"La utilidad de la biblioteca escolar, hoy. Su visualización en las organizaciones escolares del siglo XXI"
05_La utilidad de la biblioteca escolar from bet2011 on Vimeo.
10/11/11
BET 2011: Casildo Macías, Sergio González, José M. Luque e Cristina Novoa
BET 2011: Constanza Mekis
BET 2011: Discursos de Inauguración - Conselleiro e Ministro de Cultura
1/10/11
Sáhara "Un soño por cumprir"
Deixámosvos unha serie de documentais para aqueles que teñades interese en saber de onde ven o problema saharauri, para que cheguedes a comprender a situación actual do Sáhara occidental, e a extraordinaria labor que o "Bubisher" está a facer nos campos de refuxiados de Smara. O Bubisher, un paxaro que, segundo unha antiga lenda trae boa sorte... Desexamos que así sexa e que o soño do pobo saharaui axiña sexa unha realidade!!
Este curso, un dos nosos Proxectos Documentais "Coñecernos para querernos" terá que ver con este marabilloso pobo e coas súas xentes.
4/6/11
Homenaxe dos ENDL a Agustín Fernández Paz
Unha homenaxe na que "O Segrel do Penedo" non podía faltar, pola nosa admiración, respecto e agarimo a un dos grandes das nosas letras.
Grazas Agustín, polo teu exemplo!!
Grazas Agustín, polo teu exemplo!!
1/4/11
Homenaxe a Xoán Farias no Día do LIX
Xabier P. Docampo en "O Segrel" na homenaxe a Xoán Farias no Día do Libro Infantil e Xuvenil 2011
17/12/10
O Segrel en Radiofusión
Entrevista ao Segrel en Radiofusión con motivo do 2º Premio MEC ás Boas Prácticas para a dinamización e innovación de Bibliotecas Escolares
2/12/10
Domingo Villar: "A Praia dos Afogados"
Nesta ocasión, chega á nosa radio escolar, a través de RadioFusión de Fene, a nosa radio local, e como xa ven sendo habitual, a entrevista que o pasado mes de maio lle realizou Almudena Marcos a Domingo Villar o autor de "Ollos de Auga" e "A praia dos afogados".
18/10/10
Mercedes Castro: "Mantis"
Mercedes Castro, escritora ferrolana, autora de "Y punto", é entrevistada por Almudena Marcos en Radiofusión Fene con motivo da presentación da súa segunda novela, "Mantis"
23/5/10
As Pandeireteiras de Vide
A través da Canle de You Tube O Segrel, hoxe podemos traer a Radio Barullo unha pequena mostra de como rematou a nosa Xornada Gastronómico-Plambeira en Vide o pasado sábado.
Podedes disfrutar coa música e as cancións das "Pandeireteiras de Vide" que deixaron todas as súas tarefas, que non eran poucas -colgar as pancartas para o Serán do día 30, ir ao regho, prepararse para a actuación desa mesma noite...- por pasar con nós unha tarde que non esqueceremos e esperamos repetila na carballeira o ano que ven....
Grazas a todas, foi un verdadeiro placer compartir música e cancións con vós !!
Tedes toda a reportaxe da xornada en O Segrel
16/5/10
Festival "Mocidade coa Lingua"
Catro representantes de "Os Fenénticos" e "Arredemo", os dous grupos do IES de Fene que actuaron o venres pasado no Festival "A Mocidade coa Lingua", falan en A Fenestra de RadioFusión, sobre o festival, a súa traxectoria e as súas ilusións.
Parabéns aos dous grupos e moita sorte na vosa carreira musical!!
| Festival Mocidade ... |
15/5/10
Letras Galegas: "Poemas á Rúa"
Unha das actividades desenvolvidas con motivo do Día das Letras Galegas consistiu en compartir un momento de lectura dos poemas de Novoneyra cos amigos e veciños de Fene, acompañados por Serafín e o seu acordeón e coa magnífica voz de Samantha, a pesar da alerxia que ese día fixo acto de presencia xunto coa choiva, pero que non desmereceron en absoluto o acto festivo e emotivo.
Agradecer dende Radio Barullo a colaboración da Concellería de Cultura que sempre está aí para apoiar cantas propostas lles facemos. Grazas Iolanda!!
4/5/10
"Máis de Noventa Outonos"
Entrevista realizada en A Fenestra de RadioFusión a Ana Armenteros alumna de 3º de ESO, autora do poema "Máis de noventa outonos" co que ven de gañar o Concurso de Poesía convocado polo Departamento de Galego e o Equipo de Normalización Lingüística.
| CONCURSO_POESIA_IE... |
27/4/10
Celebrando o noso Terceiro Aniversario!!
O pasado venres, 23 de abril, celebramos o noso terceiro aniversario dende A Fenestra de Radiofusión.
E claro, falamos das actividades que estabamos a desenvolver nunha data tan especial como é o Día do Libro. Falamos de novas tecnoloxías, xa que con motivo do noso terceiro ano na blogosfera vimos de crear o noso perfil en Facebook, da Maratón de Lectura entre o alumnado de ESO, e por suposto de Para que les?. Pedíronnos que lles léramos algunhas das máis de 200 respostas recibidas e aquí tedes cales foron as elixidas e os motivos que nos levaron a facelo...
|
Grazas a tod@s as persoas que, de calquera xeito, fixeron posible que esta fermosa iniciativa tivera tantísima repercusión.
7/4/10
Para Que Les? en "A Fenestra"
Hoxe, presentamos no Magazine local de Radiofusión de Fene, A Fenestra, a iniciativa Para Que Les? con motivo da celebración do Día do Libro o vindeiro 23 de abril.
O noso agradecemento a Almudena e Xavi, presentadora e técnico de A Fenestra, pola súa amabilidade e por estar sempre dispostos a dar voz a todas as actividades que se levan a cabo dende a nosa Biblioteca Escolar.
26/10/09
Carlos Blanco nos Encontros de Bibes
Carlos Blanco fainos a súa particular lectura de distintos tipos de textos durante a clausura das Xornadas de Bibliotecas Escolares de Galicia o pasado 24 de outubro no Palacio de Congresos de Santiago de Compostela.
Unha fantástica clausura para unhas Xornadas inmellorables.
8/6/09
Agustín Fernández Paz
"Oito doas para San Simón" discurso de Agustín Fernández Paz nos XXVIº Premios Xerais na Illa de San Simón - Redondela
Emocionante!!
Tamén en O Segrel do Penedo
7/6/09
Entrevista a Ana Gavalda
Entrevista (en francés) a Ana Gavalda a autora, entre outros títulos, de "El Consuelo" o último libro que estamos a ler no Club de Lectura O Segrel de pais, nais e profes.
Anna Gavalda et Fred Vargas en tête à tête sur RTL
8/5/09
Os "Sacapenas para Gaza" nos Medios
O pasado martes, alumnado e profesorado do IES de Fene acudimos á Casa do Concello para facer a presentación aos medios da Iniciativa Sacapenas para Gaza. Onte publicamos un artigo en O Segrel do Penedo contándovos o que alí aconteceu e hoxe traémosvos a gravación do que lles contamos.
Presentación da Iniciativa.
Roberto Rodríguez e Laura López cóntannos a súa experiencia.
Iván Puentes, o noso alcalde, alaba este tipo de iniciativas.
Agradecemento e despedida.
23/4/09
Celebramos o Noso 1º Ano na Blogosfera
Hoxe, e con motivo da celebración do noso primeiro ano na blogosfera, Radio Barullo quere presentarvos unha entrevista realizada por Brenda Anidos, alumna de 4º de ESO, a Tomi e Mariano fundadores de CUAC FM e os encargados de impartir, o pasado mes de marzo, un obradoiro de radio organizado polo Concello de Fene e ao que tiveron ocasión de asistir alumnado e profesorado do noso instituto con gran aproveitamento pola súa parte como agora poderedes comprobar.
Entrevista de Brenda a Tomi e Mariano
A entrevista, realizada como unha das prácticas levadas a cabo o último día do cursiño, é proba das moitas posibilidades que teñen os nosos rapaces e rapazas no mundo da comunicación.
Que se vaian preparando as grandes figuras que os nosos xoves veñen empuxando forte!!
Dende a nosa radio escolar queremos dar as gracias a Paulo Regueiro, antigo alumno do noso centro e hoxe prometedor comentarista de Radio Fusión por facernos chegar este "importante documento sonoro". -Quen sabe o que o futuro nos pode deparar...!!-
7/3/09
Fene Lendo Mulleres
Onte, e como ven sucedendo dende hai xa nove anos o Concello de Fene organizou a marathón “Fene lendo Mulleres” unha actividade na que o alumnado de todos os centros do concello e os veciños participan lendo poemas escritos por mulleres. Un xeito ben fermoso de celebrar o Día Internacional da Muller e no que o alumnado do IES de Fene de todos os niveis educativos, e como xa ven sendo habitual, tamén participou.
Aquí podedes escoitar non só a grabación da lectura dos poemas senón tamén a entrevista que dende Radiofusión lle realizaron a tres das nosas alumnas; Alba Currás, Lucía Paz e Laura López
Aquí podedes escoitar non só a grabación da lectura dos poemas senón tamén a entrevista que dende Radiofusión lle realizaron a tres das nosas alumnas; Alba Currás, Lucía Paz e Laura López
Máis en O Segrel do Penedo
30/1/09
Conspiración pola PAZ !!
Hoxe, Día da Non-Violencia e a Paz, as bibliotecas escolares galegas unímonos para amosar a nosa repulsa ante tanto horror e tanta barbarie, e o noso xeito de dicir Basta Xa!! e lanzando uns "disparos" moi especiais. Fermosísimos poemas de cores, as cores da interculturalidade, as cores da amizade.
OS "DISPAROS" DENDE "O SEGREL DO PENEDO"
"Soldado" (Celso Emilio Ferreiro)
"Guerra e Paz" (Sofía M. Colaço)
"Belchite" (Miguel Labordeta)
"Think of Others" (Mahmoud Darwish)
"Als die Nazis..." (M. Niemöler)
"Txoria Txori" (Miker Laboa)
"Txoria Txori" (Miker Laboa)
"Podries..." (Joana Raspall)
Albert, Mariona, Clara, Núnia P., Núria S., Áurea, Sara, Laia, Rkia y Eloy
Pero nesta conspiración non estamos sos, xunto a nós están o blog Tres Tizas do IES Emilio Campuzano de Bilbao, a Biblioteca do CEIP Sant Jordi de Lleida e por suposto as Bibliotecas Escolares Galegas do Plambe.
16/12/08
Antón Castro en Radio Barullo
O pasado día 2, alumnado de 1º e 2º de ESO, de Adultos, pais, nais e profesorado, disfrutamos da visita de Antón Castro ao noso instituto para traballar en dous obradoiros sobre tradición oral.
Unha cociña chea de "artistas", un hilarante teatro de títeres, un cantar de cego terrorífico, un moneco con moito ritmo e música, moita música, foi a proposta que un fantástico Antón Castro nos achegou a "O Segrel"
E para que vós tamén podades disfrutar de tanta arte e tan bo facer, convídovos a que non dexeides de ver esta pequena mostra do que aconteceu na nosa Biblioteca Escolar.
Unha cociña chea de "artistas", un hilarante teatro de títeres, un cantar de cego terrorífico, un moneco con moito ritmo e música, moita música, foi a proposta que un fantástico Antón Castro nos achegou a "O Segrel"
E para que vós tamén podades disfrutar de tanta arte e tan bo facer, convídovos a que non dexeides de ver esta pequena mostra do que aconteceu na nosa Biblioteca Escolar.
TEATRO DE TÍTERES
A ZANFONA
CANTAR DE CEGO
Dende aquí agradecer a Begoña de Blogfesquío de Neda, a Pilar do CEIP Manuel Masdías de Ferrol e a Maribel do CEIP Os Casais de Fene por ternos acompañado nesa xornada, e coa que estaba caendo!!
Foi un xeito ben divertido de seguir a compartir experiencias.
3/12/08
Música e Poesía Contra a Violencia de Xénero
Actividade realizada durante a xornada do 25 de novembro, "Día Contra a Violencia de Xénero"
Alumnado de 1º e 2º de ESO, acompañados por Tamara Santamariña de 1º de Bacharelato, leron poemas de Medos Romero, Carlos Solla, Kiko Neves... entre outros.
Alumnado de 1º e 2º de ESO, acompañados por Tamara Santamariña de 1º de Bacharelato, leron poemas de Medos Romero, Carlos Solla, Kiko Neves... entre outros.
Suscribirse a:
Entradas (Atom)